Molar fyrir mig

Prinsarnir mínir gera ýmislegt dúllulegt. Sá eldri er nú ákaflega uppteki af því að tala inni á msn ( mamman þarf að tryggja að hún sé einráð hvað varðar leyniorðið). Óþolandi þessir viðbjóðslegu perrar þarna úti sem þurfa að eyðileggja sakleysi tilverunnar.

Sá stutti sagði ma svona til að ég geti nú munað þetta :
Mamma getur þú ekki dregið hárin inn svona eins og þú gerir á nóttunni þú stingur mig :)

Svo bað hann voða fallega um það að ég kæmi inn hjá ömmu og afa á morgun og væri þar á sokkunum, á sama og tíma og þeir þar inni . áður en að við færum heim :).

að taka frammúr

Bragi "mamma þú ert að taka fram úr mér" þíðir þú varst að grípa fram í fyrir mér. Krútt

Talandi um að vera orðin fertug :)

Konur yfir fertugt - Andy Rooney í 60 mínútum - tær snilld...
Eftir því sem ég eldist, met ég mest konur yfir fertugt og hér eru
nokkrar ástæður fyrir því:
Kona yfir fertugt mun ekki vekja þig um miðja nótt og spyrja þig
'hvað ertu að hugsa?'
Henni gæti ekki verið meira sama.
Ef kona yfir fertugt vill ekki horfa á leikinn með þér vælir hún
ekki yfir því.
Hún gerir eitthvað sem hana langar til og yfirleitt er það
áhugaverðara en leikurinn.
Konur yfir 40 eru virðulegar í framkomu. Þær fara sjaldan í
öskurkeppni við þig í óperunni eða á fínum veitingastað.
Nema þú eigir það skilið, þá hika þær ekki við að skjóta þig ef þær halda að þær komist upp með það.
Eldri konur eru örlátar á hrós, oft óverðskuldað. Þær vita hvað það er að vera ekki metin að verðleikum.
Konur verða skyggnar með aldrinum. Þú þarft aldrei að viðurkenna misbresti þína fyrir þeim.
Þegar þú getur litið framhjá einni eða tveimur hrukkum er kona yfir 40 langtum kynþokkafyllri en yngri kynsystur hennar.
Eldri konur eru hreinar og beinar. Þær segja þér eins og skot að þú sért asni ef þú hagar þér sem slíkur.
Þú þarft aldrei að fara í grafgötur með hvar þú hefur þær.
Já, við dásömum konur yfir fertugt af mörgum ástæðum.
Því miður er það ekki gagnkvæmt. Því fyrir hverja glæsilega, smarta og vel greidda konu yfir fertugt, er sköllóttur,
vambmikill forngripur í gulum buxum gerandi sig að fífli fyrir 22gja ára gengilbeinu. Konur, ég biðst afsökunar.
Til allra þeirra karla sem segja; 'Afhverju að kaupa kúna þegar þú getur fengið mjólkina frítt?' þá eru hér nýjar upplýsingar:
Nú á tímum eru 80% kvenna á móti giftingum.
Hvers vegna? * Vegna þess að konur gera sér grein fyrir að það borgar sig ekki að kaupa* * heilt svín þótt þær langi í smá pylsu!*

Afmælisfeist

Takk allir þið sem hjálpuðu mér að gera fagnaðinn minn frábæran í alla staði. Þið eruð öll yndisleg.
Milljón knús.

Hulda (ennþá á fertugsaldri)

8 ára 28082008

Og geri aðrir betur á morgun á Prinsinn minn afmæli og hann verður 8 ára þann 280808 þetta er bara geðveikt flott. Ákveðið var í sameiningu að skella í veislu í Veröldinni okkar fyrir sjarmatröllið mitt og tilhlökkunin er að vonum mikil. :)

Það er þetta með sálfræðina sko

Svefnáhugamál barna sko. Það er mikill áhugi búin að vera á mínu heimili til gistinátta í tjaldi frá og með strax sumardeginum fyrsta. Þá var sko tjaldið rifið út.
Svo var spurt mamma má ég sofa í tjaldinu í nótt. Ég sagði strax "JÁ ELSKAN". :)
Nú það kom kvöld og myrkur og kuldi og allt í einu var skipt um skoðun, "öllum til mikillar undrunar" :)

Nú reglulega rignir þessum spurningum yfir mig ég ég segi alltaf "JÁ ELSKAN"
Stubbi er líka eitthvað að prófa sig áfram. ´"Má ég sofa á svölunum, eða í baðkarinu " osfrv. og mamma segir alltaf "JÁ ELSKAN" Skrítið þó það er alltaf hætt við , skil ekkert í þessu :).

Það er gott að vita að litlir menn hafa stólpa dómgreind :D

yllisprotinn????

Sko nú er ég alveg despó.
Af hverju vildi Harry Potter meina að Draco Malfoy væri réttmætur eigandi Yllisprotans. Mín fattar ekki og það er ekki að virka fyrir hana!!!!!!!!!
HJÁLP þið alsvitandi